Maşınla vurduğu şəxsi bıçaqlayaraq öldürmək istədi

HADİSƏ

13 Oktyabr 2021 | 09:24

196 dəfə oxunub

Füzulidə 27 yaşlı şəxsi maşınla vuran kişi daha sonra onu bıçaqlayıb. 

Füzuli Rayon Prokurorluğundan “verilən məlumata görə, oktyabrın 12-si saat 18 radələrində Füzuli rayonu ərazisində 1994-cü  il təvəllüdlü Ceyhun Quliyevə bıçaqla xəsarətlər yetirilməsi barədə rayon prokurorluğuna məlumat daxil olub. 

Aparılmış araşdırmalarla rayon sakini, 1988-ci il təvəllüdlü Müşfiq Əsədovun aralarında yaranmış mübahisə zamanı Ceyhun Quliyevin üzərinə avtomobillə hərəkət edərək sonuncunu vurması, daha sonra bıçaqla xəsarətlər yetirərək onu qəsdən öldürməyə cəhd etməsinə əsaslı şübhələr müəyyən edilib. 

Faktla bağlı Füzuli rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd etmə) maddəsi ilə cinayət işi başlanıb. 

Müşfiq Əsədov şübhəli şəxs qismində tutularaq istintaqa cəlb olunub. 

Hazırda iş üzrə zəruri istintaq tədbirləri davam etdirilir.



SON XƏBƏRLƏR

18 Oktyabr 2021
17 Oktyabr 2021